「立」即去旅行 Lap's Travel

釜飯是奈良其中一樣特色食物，用一個傳統小鍋，加入米，並再以高湯、醬油、味醂等調味，鋪上不同配料烹煮，而志津香就是食釜飯的著名餐廳。在接近下午茶時間來到奈良公園附近的公園店，依然有一大班人在等候，估不到一等就等了大半個鐘，建議如果有時間可以去大宮店，那間分店人流會少一點，而且更可以預先訂位。

等到咁上下，就有職員出來給menu和籌號，menu中英韓文也有，基本上款式也是7至8種，其他也只是套餐所配的不同，另加一、兩款季節限定，然後職員會先幫你落定order，因為整釜飯也需要點時間～

好不容易排完出面，入到去就有座位坐住繼續等，裡面其實也不是很大，而且等候釜飯也要一點時間，難怪會大排長龍。埋到枱坐，其實也等了一陣嗰飯先上枱，這段時間就可以望下枱上的釜飯教學，會教你點食先係正確方法。

等左咁耐，釜飯終於上枱啦！今次食既係招牌的奈良七種釜飯（1242日圓），材料包括海蝦、海蟹、海鰻、雞肉、牛蒡、蘿蔔、竹笋、香菇，釜飯上枱嗰陣比想像中細，但因為啖啖都係飯，所以食到最尾都幾飽。食落去材料都幾新鮮，不過每樣都係一舊起兩件止，整個飯也偏向清淡一點的，食的時候是先吃中間的飯，再蓋上木蓋，咁側面的飯就會慢慢變成飯焦，食落脆卜卜，整體味道不錯，有點像港式的煲仔飯，只是冇咁惹味的版本，如果人多要排好耐，就自己衡量一下值不值得等咁耐了。

推薦指數：★★★

抵吃指數：★★★

地址：a.（公園店）奈良市登大路町59-11

b.（大宮店）奈良市大宮町4-249-4

營業時間：a.11:00-19:00 (Last Order 19:00)、b.詳見官網

網址：http://www.kamameshi-shizuka.jp/

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel