「立」即去旅行 Lap's Travel

從藍色線的Ferenciek tere站慢慢走過來，大約十分鐘就會走到這間氣氛悠閒的Gerloczy Cafe & Rooms de Lux，而除了今次光顧的cafe外，這裡亦有房間提供住宿服務的。整棟大樓由四圍的環境以至內裡的裝橫都有一種給人慵懶的感覺，很有慢活的氣氛。

第4天（星期二，17/1）

行程：布達佩斯 》兌錢 》酒店放行李 》佩斯1日遊 》酒店

不得不介紹的這間叫Menza的餐廳，是全個東歐旅行之中所幫襯過的餐廳野食最好的一間，而且價錢仲好實惠，地點又方便，搭到去黃色線的Oktogon站再行幾分鐘就會到。所以四晚在布達佩斯之中，足足來了三晚！而呢三晚間餐廳都非常爆場，好彩我每一次都好早來，否則一定冇位！餐廳既裝修充滿強烈八、九十年代的風格，幾有格調的，如果著住現在Gucci復古風格的衣服來，應該會和環境好夾。

布達佩斯的國家歌劇院 Hungarian State Opera據說是全世界歌劇院中，除了係全世界最美的歌劇院之一外，音效排名亦是第三，於1884年由建築師Miklos Ybl設計而成。要看成套歌劇就沒有時間了，但來參加導覽團的話就只需要少於一個小時的時間就可以了，所以就來這裡看一看感受下，留意返英文導賞每日都有，但就只限在下午三個時間：14:00、15:00、16:00，要來就要注意一下。搭地鐵來的話，去到黃色線opera站出就會見到，唔算太過難搵。

之前在布拉格的每一餐，除了臨走前嗰餐，幾乎都全部唔啱胃口，估唔到黎到匈牙利布達佩斯既第一餐，就迅間找到啱哂口味既餐廳，佢就係Hungarikum Bisztro。搭紅色線去到國會大廈個站Kossuth Lajos ter再步行過去，大約十幾分鐘（途中真係要靠下Google Map）先搵到，條街嗰陣就冇乜人，估唔到入到去有好多人食緊野，差不多滿座咁濟，而且大部分唔知點解係韓國人。

第3天（星期一，16/1）

行程：布拉格舊城區1日遊 》布拉格中央車站 》布達佩斯

布拉格去布達佩斯火車：捷克鐵路 https://www.cd.cz/default.htm （有英文，買票後列印出黎就可用）

之前介紹過在上面的網址購買過夜列車的車票，列車的編號為EN477就是布拉格去布達佩斯的列車，在網上購票後，只需要直接列印出來就可以，像下圖一樣。下圖中間寫著Praha就是起點，Budapest就是目的地，而地點上面就是日期，然後右邊中間是價錢（雖然明明2張車票買的東西是一樣，但不知為何一張價錢是貴點；左邊就寫了列車編號EN477；再下面較花的是所買的東西，會有2項是因為一項是指登車車票、一項是瞓覺的床位，一定要2者一起買，右邊是人名。

今趟旅行在布拉格的最後一餐就是Restaurace Sedm konšelů，如果搭地鐵就係Staromestska站（綠色A線）落最近，其實佢就係係舊城廣場附近，直頭係之前介紹嗰間布拉格兌換店Exchange s.r.o.爭一個街口，唔算太難搵。本身其實對呢餐冇咩期待，因為成個布拉格之旅的野食其實唔算好啱口味，好多之前睇上網介紹既一試，發覺其實都係不外如是，但好彩最後一餐黎左呢到，黎個反高潮，雖然佢係提供傳統捷克菜，但味道令人非常驚喜，原來捷克菜也幾好食的。

在布拉格總共去了三間Cafe，而Kavarna Obecni dum 係三間之中最大的一間，坐落於共和國廣場，位於市民會館之內，火藥塔旁。市民會館是布拉格的文化中心，裏面主要的空間是舉辦音樂會之用，可以容納1500人左右，同時這裏亦是捷克斯洛伐克宣布獨立的地方。Kavarna Obecni dum就是一入門口左邊的咖啡廳，右面則是一間法式餐廳。