「立」即去旅行 Lap's Travel

今次留係布拉格2日所住的Oasis Prague Apartments，是位於黃色B線的Namesti Republiky 站附近，去任何布拉格景點都好近好方便，而且行過去大給約10分鐘腳程，不算太遙遠，而且很近民居，所以環境很寧靜。佢轉角位有間帝國咖啡館Cafe Imperial係世界十大最美cafe之一，記得去潮聖一下。呢間Apartments唔係傳統酒店，由成棟民居改建已成。如果入住時間太晏的話，這棟大樓的登記處會冇人，並需要去附近同一集團的另一棟住宅大樓拎鎖匙同登記入住，所以遲入住記得email佢地，佢地會再email返詳細做法畀你。

到達布拉格機場，除非是一早已經預訂了車有司機接送，否則就要自己搭車出市中心。布拉格機場好細，一落機基本上是一條直路，就會到行李輸送帶領取處等拎行李，然後隔離位已經係機場大堂。千祈唔好就咁搭係機場大堂內叫你搭的士既司機，大多數都會呃人嫁！兌好錢就買左2張1日券（機場大堂會有櫃位有人售票），計算時間由打卡開始計起24小時內任搭市區內地鐵和巴士，價錢為1張110克朗。

在布拉格或布達佩斯，雖然在部份遊客區係可以直接用歐元付款，但匯率卻非常差，所以去到當地還是用歐元兌當地貨幣才是最化算的做法。布拉格所用的貨幣為CZK克朗，而布達佩斯則是HUF福林。

受惠於奧地利航空係香港新開航所推出的優惠，竟然可以連稅震撼價$2630就飛到去歐洲！往後都冇再見過咁平了～價錢實在太吸引。好多人去歐洲都係去西歐北歐較多，而我當時只係知道東歐相對西歐的物價低，所以當時即使對於捷克完全不熟悉（只係知道蔡依琳首歌係布拉格廣場，哈哈），亦冇理到天氣，都依然草率地決定了在1月出發去布拉格，作為行程的起點。中途站係位於匈牙利的布達佩斯，而終點係瑞士。事實上東歐呢2個國家係幾窮甚至有點落後，但睇到既光景卻有另一番味道。瑞士看起來完全不順路，無端端會在東歐過去的原因，就係因為機票售票時硬性規定左一定要係瑞士回港（冇係瑞士過夜，因為消費太貴），去程只需要係維也納轉機，轉機時間雖然好少，但因為維也納機場出名轉機時間短，所以都好輕易地轉到。

上篇介紹的以日常生活用品為主，今次又再次介紹返野食啦！先講左上角盒奈良出產的白色淡雪士多啤梨，我並唔係係黑門市場買，而係在難波間高島屋百貨公司超市買的，原因係超級平呀，賣相又靚都只係2000日圓一盒2包！比起黑門市場嗰陣睇仲平點！反而盒2980日圓既宮崎芒果就係黑門市場買，平過香港買，切開之後芒果香超厲害，而且食落超甜但又唔會話甜到封喉，天然果糖般甜，香港這個價錢就只買到一個，早知係日本食多2個！還有左下角隻粉紅多啦a夢係夾公仔夾返來，一次就夾到～公仔旁係藥房買即香口糖，標榜新食感，類似三文魚子咁一放入口咬開，薄荷味就即刻大量湧出，我自己就唔係好受到，因為太刺激！還有右上角2包白色係章魚同蝦片，依家銅鑼灣sogo都有賣，仲有既整即食，當然香港買就貴好多，日本買就平一截，係梅田堆百貨公司買～

上篇介紹的基乎全部都係以食為主，今篇除了零食之外亦會講下買左咩日常用品，先來講既係係Rinku Preimum Outlets買既3對Nike鞋，平均每對3-4xx蚊，都幾抵買既，而且碼數都幾齊，有時間可以望下；而另一對係Puma X McQ既就真係減左好多，由3xxx減到3-4xx，買來粗著都抵，但碼數就唔係好齊，店內款式亦唔多啱心水，遇啱真係要講彩數～

由於今趟旅程購買的手信也頗多，所以會慢慢分開介紹，上篇要介紹是一大堆包裝精美的食物類手信，而當中又以抹茶為主，抹茶控一定要留意！下圖最下中間位置分別是伊藤久右衛門所出產的焙茶和抹茶kitkat，四圍都有好容易搵，但個人覺得抹茶味和平時吃開的沒有太大分別，焙茶比想像中好，但還是不太適合我的口味，喜歡焙茶的可以一試！左下角個盒係抹茶啫喱，由伊藤久右衛門所出品，一盒有4個，抹茶味濃得黎又唔會太苦又甜甜地咁，賣相雖然墨綠色一舊似綠色龜苓膏，但真心覺得唔錯，買來做下午茶係唔錯既選擇，入得過！

第6天（星期日，14/5）

行程：大阪 》 Rinku Premium Outlet 》關西機場 》香港

臨離開大阪上飛機的一天，要去遠一點的景點就沒有什麼可能，無論時間充裕的有大半日或是不充裕的只有三、四個小時（當然計了要起飛前check in的時間還有三、四小時淨），個人認為位於關西機場附近的Rinku Town是一個不錯的選擇。它包括了買名牌的outlet、兒童物品outlet、大型超市什至摩天輪，再加上來回關西機場每程亦只係需要15至20分鐘時間，直頭可以買到上飛機的一刻。先講前往方法，如果從大阪市區出發而由搭南海電鉄的話，就直接有在機場前的Rinku Town站到落，再行大約5-10分鐘左右；如果由機場來的話或是要從Rinku Town返機場的話，就可以搭Shuttle bus（車費成人200日圓、兒童100日圓，時間表：http://www.kate.co.jp/tcn/timetable/detail/SKYB），班次不算密而座位不算好多，所以要留意一下，shuttle bus下面係可以放行李的，不過就要自己搬。

幾次來到あっちち本舗，無論日頭定天黑，都會見到排滿長長的人龍，所以一定要避開人潮，揀係朝早剛開或是過了晚飯的時間來就比較好，反正佢開到半夜，當宵夜來吃也不錯。佢位置唔難搵，就係驚安之殿堂和一蘭隔離，有大大個章魚燈籠做招牌，一定會見到的。