【美食】福岡博多キャンベル · アーリー（Campbell Early）：士多啤梨盛宴－「立」即去旅行 Lap's Travel

位於JR博多駅食街的キャンベル · アーリー（Campbell Early）主打食pancake，在tabelog上面也有著3.54一個不錯的分數，在博多站一帶來說更是甜品店中的第一位！店外擺放著一大個雪櫃，擺放著各款形形色色的水果，真係超吸引！適逢士多啤梨季節，大半個雪櫃也擺放著士多啤梨，當然menu也是以士多啤梨為主啦！

今次食飽晚餐之後來到，時間可能已經比較晏所以冇人排隊，內裡大約坐滿了七成食客。餐廳走的是日系雜貨店風格，令人感覺舒適自在，別以為只有女士才會光顧，現在也有不少情侶、男士結伴而來，這間餐廳看來是頗受歡迎的。

雖然這裡主打pancake（甜和鹹的也有），但其實也有其他款式的甜品，例如芭菲。因為比較晚才來，用上白色士多啤梨「白雪」的甜品款式已經售罄，但還是有很多款可以揀～對於有選擇困難症的人來說真的是一個噩夢～哈哈

從困難中，最後選擇了士多啤梨pancake和芭菲～首先上枱的是pancake，整碟用上4粒甜王士多啤梨，pancake伴以淡雲尼拿忌廉醬。Pancake吃下去帶少少煙韌，但唔夠之前在日本其他地方食到既咁驚喜，似係麥當勞既升級版，基本上係靠士多啤梨和忌廉醬去提升返個pancake既味道，味道畀分既話係一般多少少，及不上賣相；然後就到芭菲，一上枱就真係「嘩！」左一聲，連隔離幾枱也忍不住望過來，真係超級吸睛又呃like，賣相精緻又誇張，相片可能看不出來，但其實佢好大杯，杯身有一隻半手掌咁大，仲要有勁多粒士多啤梨！上面成杯起碼有7粒，下面碟仲有3粒，加起來起碼有10粒！士多啤梨多到瀉出來！中間仲有軟綿綿既蛋糕、士多啤梨果醬、忌廉以及士多啤梨乳酪雪糕（最愛的一層）。基本上士多啤梨也佔了大半杯，所以只要士多啤梨好吃，整杯芭菲也不會太差的，而這裡入的士多啤梨是很新鮮，甜酸度適中，很適合做甜品，所以整體上真的很不錯。