「立」即去旅行 Lap's Travel

這次旅行前半段的北九州列車遊，主要以博多為出發點，揀選酒店時希望會係JR博多站附近以減省走路的時間，所以就順理成章揀左今次呢間福岡博多站前太陽線酒店 Hotel Sunline Fukuoka Hakata Ekimae入住了2晚。官網標示從JR站行過去大約需要5分鐘，實際走過一次之後其實也要10分鐘左右（因為要過馬路的），一出站就會見到對面一大間西日本銀行，不用過對面，然後就向左走，沿途會經過Lawson，之後過埋馬路會見到FamilyMart同一間藥房，大約行多兩個街口左右就轉入橫街，這間酒店就是置身於橫街之中，對面也有一間FamilyMart同大型溫泉浴場。

整體上附近環境非常幽靜又不太近馬路邊，唔怕會嘈醒，夜晚就比較黑，但酒店外會著住燈，唔怕睇唔到。

酒店服務方面，個人覺得是幾好的，例如reception的員工英文很不錯，更有西方人員工，我要預訂東西或訂座時，他們也很樂意幫忙；在清潔方面，如果選擇環保一點不執拾的話（毛巾那些還是會換的），又會有小禮物可以揀（有兩支水、幾盒特產餅乾、沐浴用品旅行套裝，三揀一）。

硬件方面，酒店一入就是reception很方便(曾經住過有酒店的reception 不是在地面位，要托行李上reception)，再行入就是酒店餐廳，一目了然。我今次住的是八樓，有一點很不便的是有一堆房間雖然同樣是八樓，但出lift後行去房嗰陣，竟然要上樓梯先去到！！如果行李重的話都幾係野，這個位置扣了點分，唔知其他樓層會唔會都係咁~

至於房間，都係一般商用酒店咁細，可以自己較到冷氣，床就好像大過平時東京、大阪同等級的房型，但廁所就比平時細而且浴廉有點污穢;另外就係電插頭唔夠同唔就手，係呢啲位都扣左分。

整體上，硬件設施係各方面都爭少少，軟件反而算唔錯，地理上就話近唔算近，話遠唔算遠，以車站附近來說都幾平幾抵住($5xx一晚，其他更近就再貴點)，算是彌補返硬件上既不足之處。

優點：地理位置尚算方便、員工服務不錯、入住價錢實惠、生活機能設施充足、環境幽靜

缺點：樓層間樓梯對拖大型行李者、老人家或傷殘人士不便、房內電插有待改善、浴室浴廉要加強清潔

推薦指數：★★★★

抵住指數：★★★★☆

預定的網站：Expedia

地點：福岡県福岡市博多区博多駅前4-11-18

Website：https://www.h-sunline.co.jp/hakataekimae/

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel