【美食】廣島平和記念公園旁長田屋廣島燒：名大於實之外，還……－「立」即去旅行 Lap's Travel

長田屋的廣島燒以傳統口味為主，是很受遊客歡迎的人龍長店，還獲得tripadvisor的認證，在外國人心目中的人氣食店top 30，同時亦得到AirFrance的推介。第一日經過的時候已經排哂隊，所以第二天來光顧嗰陣就比繁忙用餐時段早了一點，不用排隊就入到去。

餐廳的裝條風格以昭和時代為主，刻意營造了一種和式感覺。內裡一邊是坐在廚師前面的吧枱位，可以看著廚師即叫即製，但今次吧枱位已full，只能夠坐在卡位那邊。相比起前一天在大丸堂吃廣島燒，這裡環境寬敞一點，冷氣也大一點（但仍然好熱）。

先看看menu，這裡的廣島燒由配料到麵條都可以自由配搭，亦有店家已經製定好的款式。至於食邊款？當然係招牌的長田屋燒（1350 Yen），另外亦叫左款special 加芝士（1320Yen）。（個人覺得比起大阪燒和文字燒，加左麵的廣島燒是超飽肚超滯的，所以只叫了兩款）

係食之前可以先睇下店方教你點樣去食廣島燒。

還有可以買走店家出的秘製醬汁回家。

而因為廣島檸檬出名，加上現場環境熱，所以叫左杯檸檬梳打，味道超淡唔好飲。

來到廣島燒部分，賣相和menu照片係一模一樣，都算幾吸引。但一食落去就真係超失望，一來個長田屋燒食去唔夠熱，好似被人攤左一陣咁，二來口感超實淨，而據聞這裡的必殺元武器係秘傳豚骨湯汁，令炒麵的味道得以提升，還有那秘製廣島燒醬汁，但炒麵已經被壓到實實地一餅野，而成個廣島燒食落都好淡，完全吃不出秘製的味道好在哪，加了蛋黃也不見得好吃，就是又硬又乾又淡的感覺，有點給平時網上評價騙到的感覺。至於芝士那個，味道更難吃，芝士味全部欠缺，只感覺在吃一堆粉團，所以我最後已經很勉強地吃，但還是吃不完。