【美食】廣島新天地廣島燒村大丸堂廣島燒：地道風味廣島燒－「立」即去旅行 Lap's Travel

來到廣島當然要試一下地道風味的廣島燒啦！今次來到お好み村（廣島燒村），整棟建築物入面足足有三層係專門食廣島燒的餐廳，超過二十間的廣島燒店，第一次來的話真係唔知點揀，所以事前已經喺tabelog同網上做足資料蒐集，找了這間評價頗高的叫大丸堂，來一餐廣島燒餐啦。搭升降機上到4樓，一出升降機就已經見到一間間廣島燒店，每一間面積都係細細的，每一家都係所有食客圍住個鐵板坐，可以望住個師傅即叫即製廣島燒，而大丸堂當然也不例外啦，而且仲有好多名人光顧過添。

來到剛好還比較早，所以唔使等～來這裏吃的話要有心理準備，因為現場環境係超級熱，尤其坐係個鐵板面前，熱力不斷撲向個人，雖然頭頂有個風口位會吹微微的冷氣風落嚟，但完全係唔夠的，一邊食一邊流汗。首先睇下個menu，款式都幾多，最後叫咗兩款廣島燒，一款係店家推介的no.4廣島式特色廣島燒（1080Yen），有魷魚、豬肉、蛋和蔥等；另一款係冬季限定no.12，最主要就係加左廣島蠔（1158Yen），由於現場環境實在太熱，所以仲叫咗一杯凍冰冰的啤酒爽一下。

老闆會問選soba或是udon，soba類似油麵咁，就係平時見到嘅廣島燒模樣，udon就係烏冬，係我印象入面比較少聯想到會用烏冬。最後我兩種都都有試到，睇吓邊款好食啲，比較適合襯廣島燒吃。（soba最後勝出）廣島燒和大阪燒最大分別就係前者一層層好分明，後者就攪勻哂煎，而且因為前者有落麵，所以較為飽肚。