【手信】「東京」補完計劃秋季之旅 2018－「立」即去旅行 Lap's Travel

今次既東京之旅並唔係買左好多手信，之前介紹的就不再介紹了，見到我又再買過就知道是好野啦！今次買左好多現時在東京很流行很受歡迎的手信，很多樣都是排隊才買到返來的。

第一樣係最下面中間白色嗰4盒Audrey手信（網頁參考按此），兩盒原味和兩盒朱古力味，佢真係好hit，要買就好早要排隊！佢最受歡迎就係一款士多啤梨忌廉蛋卷，賣相好精緻，官方介紹佢似一束鮮花般的，食嗰陣記得一口整個吃完，口感和味道比起逐啖吃爭很完，整口吃先可以吃到微酸的士多啤梨乾平衝返略甜的脆蛋卷外層和軟軟的忌廉，一脆一軟一甜一酸，各種味道、口感和層次恰到好處，，有時候有期間限定口味，但個人較喜歡原味，沒有可可味咁強烈。另外，佢雖然也有賣其他士多啤梨類型的產品，但基乎每一位日本人顧客都只係買上面提嗰款，所以見到就好買了，因為好快會被掃清！

然後係左邊最下尾二嗰盒既Press Butter Sand，禮盒的包裝設計得很有格調，灰泥色厚身紙盒質感很好，送禮一定也不失禮，而且盒上亦有很多店舖既細心位，例如標榜了餅乾的size，每一塊45 x 45 x 20 mm的完美比例，代表能夠一口吃的大小；又會寫上曲奇的特色，如曲奇係模整，裡面裝滿牛油忌廉同焦糖，很容易咬等，每一個細節都給人很用心的感覺。

官網說曲奇餅層是用北海道嚴選的小麥粉所焗烤，而內裡的奶油焦糖餡亦都係用上北海道最頂級的新鮮牛乳製作出來。用料很高級，包裝和賣相都很精美，至於味道呢，買之前在網上看到是很多好評的，食落確實係美味但未至於驚艷，兩層餅其實很容易散，咬落去口感係厚實但卻鬆化的，而且小麥味好香濃突出，是頗出色的；至於餡料我覺得唔夠有飽滿的感覺，帶少少偏甜，而且外於曲奇塊餅麥味好出，焦糖亦好出，以至奶油味就掩蓋了，所以餡料方面要扣點分。整體上，這種餅是買得過的，拿來當手信會給人很有誠意的感覺，但因為餅乾冇乜防腐劑，記得要留意返賞味期限係好短呀！

右下角嗰兩盒係S’more（官網按此）的綿花糖撻，一盒係原味，一盒係香蕉味，係成田機場購買，食之前要放入微波爐加熱十幾秒，熱完出來會有流心效果，但個人覺得兩者都偏甜，因為撻底係朱古力撻來的，當中香蕉味的味道更乎甜到可達引致糖尿病水平，食呢款綿花糖撻絕對要配返濃茶先好食，可以有效地中和返甜度，會好食一點。

左下角係紅莓餅，係百貨公司的pop up store買的，食落唔會過甜，帶點微酸中和返甜味，而且塊餅食落有少少起沙既口感，整體味道唔錯；反而Tiffany Blue朱古餅所出既另一產品，長條型的餅乾條就普通了少少，還是買返朱古餅比較好；另外還有在川越買的蕃薯羊羹，雖然都甜，但甜得來味道較自然，食落有點似蕃薯蓉的感覺，一家人喝住茶分享來吃剛剛好。

還有是拎左米芝連一星級著名拉麵店蔦所推出的杯麵，要比較即煮的是沒有意思的，但以杯麵質素來說也算不錯，加上只是在7-11買，都可以嘗試下的；另外還有甘酒豆和一款納豆菓子，甘酒豆酒味偏濃，未必人人接受得來，而納豆那款比想像中易接受，沒有臭味，帶少少wasabi的味道，兩者同樣在超市購入；還有MokuMoku的蜂蜜脆餅，個人超喜歡，有蜜糖和少少焦糖香，配茶吃一流，在今次的甜類手信中是比較冇咁甜的一款，購自東京駅。

中間黑色最大盒的是人氣超旺盛既New York City Sand（官網可按此），呢一間係VS嵐都介紹過，東京駅買嗰陣人龍超長，差不多等左大半個鐘先買到。佢係賣朱古力焦糖餅，食落其實都幾甜，不過就幾香焦糖味，口感幾鬆化，食落似焦糖流心，最好亦最適合配返濃茶或咖啡先食。佢有唔同口味，不過全部賞味期限都唔算長，加上幾甜幾膩，買之前真係要量力而為。