「住」在廣島 @ 「立」即去旅行 Lap's Travel

來到成個旅行既廣島部分，好多遊客揀酒店的話，一係就會揀近JR廣島站既一帶，一係就好似我咁會選擇位於本通既一帶。視乎行程而定，如果除左廣島之外，會去埋廣島周邊的話，住在JR附近的確比較方便，例如如果去宮島既話，搭JR的話會比在市內搭路面列車快好多、如果會去吳市或是岡山的話（有買JR pass的話），出出入入都會靠JR，但這邊就相對地比較少點逛街的地方和店舖也收得冇咁夜；而本通就是廣島最熱鬧的一帶，很多百貨公司、商店街等等可以行，店舖收得較晚，餐廳又多選擇，去廣島市內景點又方便，例如廣島平和記念公園就可以徙步也到達得到，即使要去宮島也可以搭路面電車很方便。兩邊要出入機場也好方便的，因為兩邊都有巴士站。說回我今次選擇的廣島法華俱樂部酒店Hotel Hokke Club Hiroshima就正正位於本通一帶之餘，亦正正係平和記念公園的對面。