「立」即去旅行 Lap's Travel

係關西地區所買的手信，基本上都離唔開食同埋藥妝加少量精品，有些係我上次買過的介紹過的，就唔特別再介紹多一次，今次係關西地區買的唔算特別好多，冇上過幾次咁瘋狂。打頭陣要介紹嘅當然係我最愛嘅抹茶系列啦，差不多全部都係喺京都站對出間伊藤久右衛門分店和機場免稅店買的，左上角那三包係抹茶冷麵，之前都介紹過就唔介紹啦。

今次旅行頭四日在鳥取縣，後四日在關西，所以我只係帶咗一個好細嘅旅行喼去鳥取，所以係鳥取買嘅嘢並唔係好多。唔好以鳥取係鄉下地方就冇乜嘢買，正正因為佢係鄉下地方，又近山又近海，天然資源好豐富，所以孕育出好多海鮮、農產品、牛乳，引申出來的副產品非常之多！有點後悔沒有帶一個更大的旅行喼來，所以唔可以帶太多野走，如果會從鳥取縣直接返香港，我一定會係境港市直接買海鮮再買新鮮的二十世紀梨返香港！今次就買住呢啲先，希望下次有機會再來，到時候再掃返屋企！事不宜遲，依家就介紹下今次係鳥取縣買咗啲乜～

第8天（星期一，30/10）

行程：大阪 Shopping + 木津卸売市場 》關西機場 》香港

第7天（星期日，29/10）

行程：大阪 》 （原定會去神戶布引香草園）神戶 》大阪

第6天（星期六，28/10）

行程：大阪 》（原定會先去京都南禪寺）京都東福寺 》大阪

第5天（星期五，27/10）

行程：大阪環球影城

第4天（星期四，26/10）

行程：米子市 》鳥取市浦富海岸/鳥取沙丘 》大阪心齋橋多米溫泉酒店Dormy Inn Shinsaibashi

第3天（星期三，25/10）

行程：米子市 》境港市水產物直賣市場/水木茂記念館（鬼太郎記念館） 》米子市大山牛奶之里 》米子市

第2天（星期二，24/10）

行程：鳥取市 》倉吉市二十世紀梨記念館/白壁土藏群 》米子市鳥取花迴廊 》米子豐收季酒店Hotel Harvest In Yonago

第1天（星期日到星期一，22/10-23/10）

行程：香港 》關西機場 》寄存行李於大阪酒店 》鳥取縣鳥取市鳥取華盛頓廣場酒店Tottori Washington Hotel Plaza

近年來在香港常常見到鳥取縣觀光局的大力宣傳和推廣，無論係大自然風光、文化定美食，都與日本的大城市好似東京、大阪、札幌、福岡有種截然不同的感覺，特別係那個獨特的鳥取沙丘，全日本只有唯一一個，又對住日本內海，再加上近海和四處都係山，造就了各式各樣我最喜愛的海鮮、水果和乳類製品（特別係蟹、梨和大山牛奶），以及兒時回憶鬼太郎作者的故鄉（另外還有柯南），在一個這麼小小的縣卻擁有這麼多豐富的寶藏，就這樣對鳥取留下了一個不錯的印象。整個鳥取縣基本上可以分為三個市作為最主要的遊覽基地，分別係鳥取市、倉吉市和米子市，因為是第一次到日本比較鄉郊的地方，所以只安排了四日三夜的行程，而事實上鳥取縣可以玩的東西比我想像中多，基本上每個景點也值得花上2小時以上的時間慢慢欣賞，再加上要遷就交通時間（每個市穿梭時間大約需要40分鐘至1小時左右），所以每天通常只去到2個景點，有些景點難免今次未能去到，希望下次會再有機會再來。對於沒有自駕遊的我來說，在鳥取縣只能夠完全依賴公共交通工具，所以事前做了大量資料搜集，才能夠令行程得以順利進行而又不用好像趕checkpoint咁走馬看花。去完之後，雖然已經是大肆宣傳，但始終是比較鄉郊的地方，購物地方少所以遊客相對地也比較少，雖然香港航空現在已經有直航來到米子空港，但香港遊客也並非常常見到。鳥取縣是一個比較寧靜的地方，如果去得多人多的東京、大阪、京都，不妨試試去鳥取感受一下一個不一樣的日本（我去完之後真的超喜歡）！

編好的行程永遠也是趕不上變化的，來了日本幾次，今次係終於出走了大城市以外的地方，但偏偏天氣不似預期，遇上了今年侵襲日本最厲害的颱風蘭卡，出發前幾日已經密密留意天氣報告，結果當然係飛機延誤要瞓機場、搭飛機搭到好像過山車一樣、去到關西交通一片混亂、不停的奔波令身體也疲憊起來、回到關西天氣某一天又橫風橫雨又搞到去唔到想去既景點等等因素，都成為今次旅行「多難」既地方；可幸的是，今次無論是遇上的人，他們的熱心幫助和交流，抑或是令人難忘感動的景色，都令這些「多難」的事一掃而空而變得「多Joy」，原來去了一些非主流旅遊城市，又會有了另一番景象，而那些突如其來的考驗，亦令我的應變能力和情緒處理得以提升了不少，這些體驗和回憶未必會有下一次，但回想起來卻是令我最難忘的一次旅行。