在境港水木茂之路閒逛時，雖然之前已經吃海鮮吃得飽飽了，但當經過這間鮮黃色、望落去風格休閒、很有文青feel的黄金カフェKogane Cafe，見到它們的menu即刻眼前一亮，因為佢地杯番薯芭菲超吸引呀！除了蕃薯芭菲外，還有士多啤梨芭菲、珍珠奶茶、咖啡、牛角酥等等小食，行到累來歇一歇也不錯。

位於鳥取縣八頭郡深山裡的大江之鄉自然牧場係一個集合飲食、購物和體驗的多用途綜合設施，除了可以自駕過來（停車場很大），亦可以從鳥取JR 站搭2000Yen的士過來，大約需要半小時，如果從較近的郡家JR站來就需要再轉班次不太頻密的巴士。整個大江之鄉自然牧場有兩棟建築物，一棟係主要吃甜品的cocogarden，而另一棟就係大江之鄉village（oenosato village），裡面有漢堡包店、西餐廳、大江之鄉製麺所麵店和烘焙工房等等，當然也包括購買手信的部分啦～

たくみ 割烹係Shabushabu既元祖店，據說這間餐廳的創辦人在戰時擔任軍醫期間，曾經在中國東北吃過涮羊肉鍋，返到日本之後一直念念不忘，之後就開了這店並將羊肉改成牛肉，所以來到店舖前面，會見到介紹始創人的生平歷史。從JR鳥取站經過商店街行過來就會到，店面充滿裝修充滿傳統特色，放了人手寫的餐牌，除咗shabushabu之外，這裏亦有提供鄉土料理、定食、牛丼等，價錢有平有貴豐儉由人。

係鳥取砂丘的さんこうえん砂丘店（砂丘會館旁）係一間提供自家製Gelato的食店，用上當地新鮮、特色的食材製作的Gelato，更曾經上過日本關西、中國、四國的旅遊雜誌，而最特別既當然係用上當地名物二十世紀梨所製成的Gelato啦。

在全日本咁多個縣之中，鳥取縣在2015年之前，是唯一一個沒有星巴克Starbucks的縣市，因為被評估為開了店也賺不到錢，但這間叫すなば咖啡（砂場咖啡）的品牌卻提供了由鳥取本土出產的優質咖啡予當地居民！當地的知事平井先生曾經有一名言：「鳥取沒有星巴克，但有日本第一的砂場！」，可見砂場咖啡係鳥取縣人的驕傲。砂場咖啡在鳥取沙丘附近設置工場，最特別即係用砂來烘焙，溫度平均令咖啡味可以更均勻，而咖啡則以虹吸的方式沖調較為沉實香濃。

鳥取縣有個別號叫做「蟹取縣」，最出名既當然係松葉蟹啦！但松葉蟹既當造期係每年11月到3月，只有5個月，而其餘時間最主要既就係食紅楚蟹啦！係鳥取縣要食最新鮮既蟹，當然要去到境港這個全日本最著名的漁港啦，今次要去食蟹既食堂係旅遊書或者網上也比較少提及，但當地漁民會當佢係飯堂，係全個境港市海鮮丼排第一，tabelog分數仲高達3.56的お食事処 かいがん，連日本雜誌也曾經報導過，位置就在境港水產物直賣中心附近大約5-8分鐘步行路程，食完再去睇/買海鮮非常方便。 如果係搭市內循環巴士，會先在境港水產物直賣市場落，但先唔好入去住，沿着馬路直行，過咗個地盤然後向左轉彎。

日本三大和牛：神戶牛、松阪牛和近江牛就很多人都知，但在2017年既時候，於日本每五年舉辦一次的日本第一黑毛和牛大賽之中，鳥取縣既大山黑牛憑著其優質的脂肪分布比例和入口即溶的口感，成功獲得第11屆全國和牛能力共進會的多個奬項，成為優勝者和日本第一！贏絕日本三大和牛！大山黑牛一夜間係日本大受歡迎！其實鳥取和牛本身亦係和牛既元祖，最頂級的便是「鳥取和牛油酸55」，脂肪含有55%以上既油酸是橄欖油主要成分，膽固醇較一般和牛低，完全唔會對人體做成負擔，但要達到這級數，平均每20隻牛只會有3隻達標，所以產量稀少而很少出口！今次去位於米子市既強小亭，店內就係使用大山黑牛作為食材，除了一般部位外，連罕見部位都可以食得到。

來到鳥取市的時候已經是晚上十點多，這時才開始搵餐廳晚餐，發覺特別多居酒屋，原本想找間鳥取和牛吃涮涮鍋的，可惜太晚來已經關門，剛好經過這間山陰海鮮炉端かば的居酒屋，見到內裡都幾多客，望望餐牌見到款式都幾多，而且性價比超高，於是就入去試下～（另外，佢亦有任飲放題，不過我冇試）內裡的格局是一個個包廂來的，入內要除鞋，有足夠私隱度。不過，居酒屋並非禁煙，和隔離房只有一板之隔（上面是通風的），所以有陣時會有一股輕微的煙味傳入來，幸好影響不算大。