Red Rock是近年在日本大受歡迎專門吃牛肉丼的餐廳，佢最大嘅特色就係堆到成座山咁高嘅牛肉，但價錢就非常實惠，喺東京常常大排長龍，而我今次去的分店位處於美國村一帶，就在心斎橋Dormy Inn嘅斜對面，門口一派西式風格，人地的話就可能需要排於餐廳外。另外，店內係有最低消費，每一位客人最少要order一樣食物或者一杯飲品，如果會用到酒吧枱，就需要收多200 Yen。

行街經過行街經過博多からあげ鳥五郎，位置就在近難波的千日前商店街當眼處，經過聞到陣陣香味，見價錢唔係好貴就買來試吓。

J.S. PANCAKE CAFE 是日本時裝品牌Journal Standard 旗下的甜品咖啡專門店, 主打的pancake和現時流行的梳乎厘pancake唔同，並不是強調輕盈的空氣感，反而是走向傳統派表，但卻在傳統派表pancake中再進一步，做出充滿軟綿綿的高水準pancake。今次來到位於大阪天王寺Mio Mall內的分店，由於時間尚早，所以店內只有很少食客。這裡走的是悠閒簡約風格，很適合慢慢的用餐、靜靜的傾計。

話說之前和母親來大阪的時候，都曾經來過這間味乃家想幫襯，當時的時間大約係下午茶時間，但人龍完全排滿哂成條樓梯，都唔知要排到幾時，因為唔想要母親等咁耐，所以嗰次就放棄左。今次就係傍晚時間來到，人龍依然都係排滿哂成條樓梯，餐廳都有告示牌，如果繩子內排滿哂人就唔好再排，但我剛好就排到入隊，既然第二次一場來到，今次就試吓等下。

梅田一帶大到像一個迷宮一樣，行下行下來到Eki Marché這個商場入面，來到這間回転壽司がんこ的時候，正值是下午茶時間，門外就冇乜人排緊隊，Tabelog分數都算唔錯（3.55）所以就入去坐下來食返幾件壽司補充下體力。這裏主打的是價廉物美的迴轉壽司，係門口一睇，大部份的壽司最平嘅只係需要120Yen一碟有2件，最貴的則是去到680Yen但唔係有好多款係這價錢，而且中英menu都有，見到都有幾多外國人入去食。

於2016年係東京光顧過的俺の集團目標係「提供既係以米芝蓮級數但非常平實既價錢予客人去享用優質既美食」（當時食評可以按此），一直以來這集團的餐廳都是以提高食客的翻桌率（即係一晚做多幾轉客）才來能達致它們的目標。集團的餐廳暫時大多數集中於關東地區，至於在大阪，暫時只得兩間分店，一間就在梅田（主要是吃法國菜）、一間就在繁忙的道頓堀（法國菜和意大利菜也提供），我今次光顧的就是道頓堀的俺のフレンチ・イタリアン 松竹芸能 角座広場，位置一點也不難搵但就比較隱蔽一點， 在一堆食檔仔旁邊（有賣世界第二好吃蜜瓜包、八爪魚丸等），見到個招牌就可以走入去。

如果有留意過大台係2016年由杜小姐做主持既旅遊節目，一定會對今次這間天ぷら大吉有很大印象，因為當時介紹佢最大既特色，就係將飲完蜆肉味噌湯既蜆殼直接扔落去餐廳既地下！除此呢樣就唔係好記得佢仲有乜特別，但今次幫襯完之後就記得，其實佢係一間大件夾抵食既天婦羅店！係難波沿著Namba City行很容易搵到，不過餐廳一帶係比較靜，但來的時候門口已經有當地人等緊位，好彩唔使等好耐～

幾個月前才吃過南船場的幸せのパンケーキ，沒多久它就已經關門大吉了，但取而代之既係更為就腳的新開幕心齋橋分店！佢位於近美國村一帶，店舖就較為隱蔽，因為佢身處於地庫，一不留神就好容易走甩眼，所以要認住下面張圖個門口！除左樓梯位行落去，亦有升降機可以搭落去，但升降機位就唔係正門來。

幾次來到あっちち本舗，無論日頭定天黑，都會見到排滿長長的人龍，所以一定要避開人潮，揀係朝早剛開或是過了晚飯的時間來就比較好，反正佢開到半夜，當宵夜來吃也不錯。佢位置唔難搵，就係驚安之殿堂和一蘭隔離，有大大個章魚燈籠做招牌，一定會見到的。

位於Grand Front Osaka南館內的函館函太郎是一間非常有質素的迴轉壽司，亦是我選定了會重複光顧的餐廳之一（舊一篇按此），上次來大阪吃過都驚嘆佢用料的新鮮，所以今次帶埋母親來盡情吃吃吃！今次來到這裡要等一下位，但也不算太耐，就趁空檔睇下餐廳門牌今日有咩特別推介。

其實本身冇諗過會幫襯千房的，但因為原本想去的味乃家在下午茶時間去到，依然非常之爆場，母親又很想吃一下大阪燒，去到美津之又係咁多人，經過千房冇乜人就入左去了。裡面大部分食客都係遊客，想先講一點，就係這裡的衛生環境有待改善一下，門口外的位置入去時要先穿過一·大·堆·蒼·蠅！印象分即刻大減啦，真係要想下點解決呢個問題，因為我記得上一次三年前來的時候，這個問題已經存在！今次仲多左，而且連食店內也有！（舊一篇按此）

世界で２番めにおいしいメロンパンアイス在香港也開了分店，不過每次經過都好多人，搞到現在我都未食過香港嗰間，今次去到大阪見有時間，又冇咩人等，所以就試吓呢一個據說係全世界第二好食的蜜瓜包（因為世界最好食係佢師父整的，佢教創辦人整）。位於道頓堀的分店，外型係名乎其實係一加架美食車，門口擺放着一個巨型蜜瓜包模型，一眼就睇到。

日本的麵包常常給我一種很精緻的感覺～和港式麵包的風格截然不同，港式感覺就比較草根一點。兒時看一些日本的動畫，麵包是很常見的食物之一，除了可以在便利店買到一些包裝好的麵包，今次就試了一間會新鮮出爐的麵包店cookhouse。Cookhouse本身在大阪地區也有很多分店，我光顧的一家就在地下街Namba Walk入面，連接著地鐵。而且，這間店還有堂食的座位，座位也算幾多，買完麵包可以加錢變套餐，會多杯飲品和烚蛋一隻，但記得食完要自己放返好個盤和垃圾。

うどん梅田こころ亭位於梅田阪急百貨公司的餐廳樓層，會幫襯佢事緣係阪急百貨公司地下是眾所週知買手信和野食的戰場，經過一輪大戰之後，母親忽發奇想要吃烏冬，所以也冇理咁多，求其搵左一間餐廳入去，在這層餐廳層有些餐廳是要等位的，但這間烏冬店完全不屬於之內，所以心裡也有了一點準備。櫥窗的食物擺設永遠是美好的，看看價錢也頗實惠的，也就順便滿足母親的意願。

上一次來大阪的時候已經光顧過的Eggs’n Things，事隔3年之後再來一來，環境氣氛依舊充滿著夏威夷的氣息，還記得上次用餐後，餐廳外已經開始出現人龍，現在店子也有點歷史了加上分店眾多，當然就不用怎樣等位，來的時候裡面還是有大把位。上一篇請參考：【美食】大阪心斎橋 Eggs’n Things全日早餐店：早餐類食品愛好者的好選擇

串炸是其中一種在大阪地區很常見的特色食物，而當中的大阪新世界元祖串かつ だるま更有十多間連鎖分店，從昭和四年開業到現在經過咁多年歷史依然屹立不倒，靠的是味道和超級抵的價錢，留住食客的心，只要認住那個揸住串炸的大叔立體招牌，就是它的分店。今次我到的是位於難波的本店，不用等位就可以入去，但裡面係可以吸煙的，好彩今次食煙的人坐得比較遠，否則真係會影響食慾。

在日本也吃過了好幾間的pancake店了，但今次吃到由幸せのパンケーキ炮製的出品，是完全會令人吃完後有充滿著無比幸福的感覺！我所光顧的是位於南船場的分店，現在這間店剛剛閉店了，因為會在更多人流的心齋橋一帶開新店！就一起懷念下這間南船場的細小分店吧！這一區相對地真的非常寧靜，在行過來的時候，路上連人影也不多見，佢間店就像隱藏係一棟小住宅中，幸好有個大大的牌棟係到，否則完全想像不到樓上開著一間這麼出色的店舖。

網元和蟹道樂其實是同一個集團，只不過網元是較高級版本的蟹道樂，上次幫襯過蟹道樂之後，個人觀感覺得一般般，但今次在網元別館就吃得好高興。價錢方面亦只係比蟹道樂貴好少，親身試過之後，無論食物質素、服務質素以至環境，的確比起蟹道樂質素好一點，所以寧願對自己好少少食網元好過，不過要留意暫時只有大阪先有網元，一間本館而另一間係今次的別館，其他地方暫時未有（本館只有星期六日於午餐時間有開，平日午餐時間要到別館）。午餐時間來的話，價錢會晚餐的便宜一大截，所以當然係來午餐，建議可以預先在官網訂座，主要係填返基本資料，留意要填返片假名的，可以在網上找網頁translate。它的位置是近美國村一帶的，旺中帶靜，離遠從一堆電線杆中找到它的招牌。午市餐牌基本上係去到四點前都有，而今次更有季節限定的餐牌提供，不過要留意返成餐佢係逐樣上枱的，所以用餐既時間比較耐。

來到大阪難波、心斎橋一帶，很多人也只會到一蘭拉麵、金龍拉麵、四天王拉麵等等已經很著名的拉麵店，但其實只要上有日本openrice之稱的tabelog搜尋一下，就會發覺水準在三者之上的拉麵店比比皆是，而ぼっこ志就是其中一間分數較高的店。ぼっこ志的位置是要順著道頓掘打橫行過去，再過埋大馬路的方向走過去，它的店面都幾隱蔽，再加上我這天很夜先來到，幸好有個燈牌先睇到。佢的營業時間收比較晚，所以即使像我一樣剛下機，放下行李就過來已經11點幾12點，依然都可以來吃一碗熱騰騰的拉麵來暖一下胃。

曾經在香港剛開幕的時候掀起了一股拉麵熱潮的一蘭拉麵，在香港剛開幕的時候是需要排隊4小時以上的，真的好誇張，所以來到大阪道頓堀看到它時就決定要試一下。說實話的，我未有光顧過香港那一間，所以無從去比較兩者的分別，不過就以在日本咁多日食拉麵的經歷來判斷對一蘭的感覺。首先也是在門口購票。