「立」即去旅行 Lap's Travel

今趟旅行在布拉格的最後一餐就是Restaurace Sedm konšelů，如果搭地鐵就係Staromestska站（綠色A線）落最近，其實佢就係係舊城廣場附近，直頭係之前介紹嗰間布拉格兌換店Exchange s.r.o.爭一個街口，唔算太難搵。本身其實對呢餐冇咩期待，因為成個布拉格之旅的野食其實唔算好啱口味，好多之前睇上網介紹既一試，發覺其實都係不外如是，但好彩最後一餐黎左呢到，黎個反高潮，雖然佢係提供傳統捷克菜，但味道令人非常驚喜，原來捷克菜也幾好食的。

在布拉格總共去了三間Cafe，而Kavarna Obecni dum 係三間之中最大的一間，坐落於共和國廣場，位於市民會館之內，火藥塔旁。市民會館是布拉格的文化中心，裏面主要的空間是舉辦音樂會之用，可以容納1500人左右，同時這裏亦是捷克斯洛伐克宣布獨立的地方。Kavarna Obecni dum就是一入門口左邊的咖啡廳，右面則是一間法式餐廳。

意大利出名食Gelato就係人都知啦，但今次係布拉格竟然都搵到一間Gelato店而且價格非常之便宜，一杯兩種口味為港幣只係1x元，味道和口感還要非常唔錯，而呢間Gelato店既名就係叫Puro Gelato。事緣係因為要去舊城廣場附近的兌換店兌錢而經過見到的，雖然時值冬天，但難得見到有Gelato，心想在歐洲點都要食一次，就唔理自己凍到打冷震衝左入去，咁當然入到去裏面係有暖氣啦。

我在布拉格所住的地方，和Cafe Imperial 帝國咖啡館非常之近，第一天來到望進去已經被那華麗的氣勢攝住了，所以第二日就一早來了這裡食早餐。這間咖啡館被選為世界十大最美咖啡館之一，但這裡食物價格並沒有異常的貴（反正東歐普遍物價也好便宜的），能夠在超豪華的環境下便宜用餐，我想沒有其他地方可以找到。

Restaurant V Cipu Michalska位於舊城區泰恩教堂、天文鐘廣場一帶的附近，係starbucks條巷行入去，近哈維爾市集的後巷位置，很隱蔽不算容易搵。網上對它的評價很高，說它價價格相宜又好吃（當中評價主要是說便宜為主），事實上看餐牌的時候，的確好便宜。而且佢和其他餐廳不同，沒有強制送上麵包和強迫人叫飲品，這點絕對值得稱讚。

遊覽完城堡區一帶之後，大約下午1點幾2點，就來到山腳位於列儂牆附近的Konirna Restaurant Brasserie食下午，但黎到間餐廳就冇乜人。雖然間餐廳有戶外位置，不過天氣咁凍，我就當然坐在室內啦。這間餐廳由1776年開始經營，是一間非常有歷史味道的餐廳，剛好配合城堡區附近的氣氛。

Cafe Louvre 羅浮咖啡館在1902年開始就已經在布拉格營業，已經屹立了過百年，最著名的常客包括作家卡夫卡和科學家愛因斯坦。如果是搭地鐵來的話，最近的車站是黃色B線的Narodni Trida站，大約行5分鐘左右就會見到。整棟黃色建築物的風格都停留在19世紀的美好年代，再加上我今次冬天落雪來到，真係切切實實感受到時空好像還停留在舊時咁，即使世界如何因為科技而進步，這裡依然保存著古舊的氣息。

會選定間餐廳作為來到布拉格食既第一餐，係因為網上好多資訊都有推介呢間位於Namesti Republiky站附近的Restaurace Blatnice，啲野食都唔貴仲幾平。如果由布拉格最著名的三大市集之一—哈維爾市集行落去到尾轉彎就會見到。我因為好夜先來到，所以個門口唔算好容易認，爭啲錯過左。亦因為好夜先來到，所以入面就唔係好多人。間餐廳裝修好有中世紀復古感覺，一入門口就有個大酒吧位，我就好隨意搵左個位坐。