「立」即去旅行 Lap's Travel

只要一說到燒咖哩這個食物的名字，就一定會想起門司港，絕對係一款當地很獨特，亦是在全日本也很少會搵到的美食。在門司港會搵到好多燒咖哩店，而在芸芸眾多的餐廳之中，Bear Fruits絕對係當中名氣最大的專門店之一，連日本女明星上戶彩也曾經在電視上面推薦過，所以想來的話要有心理準備可能要排下隊啦。

位於山口縣下關市的唐戶市場，和福岡縣只是一個海峽之隔，非常近北九州的門司港一帶。佢平日只係一個普通販賣漁獲的市場，但當到左星期五至日及公眾假期的時候，呢到就會舉行「活きいき馬関街 飲食イベント」，市場1樓的部分檔攤會變成售賣海鮮的食店，然後係市場內或海旁找個地方慢慢品嚐新鮮的水產。唐戶市場雖然只是一個小漁，但因為這裡一帶盛產河豚，所以又有「河豚天堂」之稱，市場內也會見到各種河豚刺身或是相關食物出售。

係今次旅行於小倉食過既唯一一間餐廳，就係呢間係tabelog高達3.58分既京壽司啦！佢既分店基本上都係集中於北九州，主力提供性價比超高的回轉壽司，大部分都係120Yen一碟，絕對係廉遊北九州人士的恩物呀！

來自仙台既利久牛舌係當地三大牛舌名店之一，在全日本有幾十多間連鎖店，東京、大阪，抑或係我今次光顧位於九州福岡的博多分店，到處都可以食這種來自仙台的美食！博多這間分店位於JR博多駅9樓食街嗰層，雖然這邊食店雲集，但依然無損佢既人龍！好彩就唔係排左好耐，大約四、五個字左右就入得，在等候期間可以睇住menu先。

位於JR博多駅食街的 キャンベル · アーリー（Campbell Early）主打食pancake，在tabelog上面也有著3.54一個不錯的分數，在博多站一帶來說更是甜品店中的第一位！店外擺放著一大個雪櫃，擺放著各款形形色色的水果，真係超吸引！適逢士多啤梨季節，大半個雪櫃也擺放著士多啤梨，當然menu也是以士多啤梨為主啦！

水たき即係水炊鍋，是博多地區充滿著代表性的傳統料理，至今已經有一百多年的歷史。至於水炊鍋的主要材料就係雞肉啦，所以水たき即係雞肉火鍋的意思，這種雞肉火鍋以雞所熬出來的高湯作為湯底，這些湯因為長時間的熬煮所以有豐富的骨膠原而有美容功效（據說？）。今次光顧的博多華味鳥在博多駅附近有三間分店，我去的是博多駅前店，從JR駅行過來大約需要8-10分鐘左右。這間店走的是傳統高格調的氣派，來到的時候店員也是著住和服招待人客的，如果預算不充足的朋友而又想試一下的話，可以在中午時間來，餐廳會提供午市套餐。