上篇介紹的以日常生活用品為主，今次又再次介紹返野食啦！先講左上角盒奈良出產的白色淡雪士多啤梨，我並唔係係黑門市場買，而係在難波間高島屋百貨公司超市買的，原因係超級平呀，賣相又靚都只係2000日圓一盒2包！比起黑門市場嗰陣睇仲平點！反而盒2980日圓既宮崎芒果就係黑門市場買，平過香港買，切開之後芒果香超厲害，而且食落超甜但又唔會話甜到封喉，天然果糖般甜，香港這個價錢就只買到一個，早知係日本食多2個！還有左下角隻粉紅多啦a夢係夾公仔夾返來，一次就夾到～公仔旁係藥房買即香口糖，標榜新食感，類似三文魚子咁一放入口咬開，薄荷味就即刻大量湧出，我自己就唔係好受到，因為太刺激！還有右上角2包白色係章魚同蝦片，依家銅鑼灣sogo都有賣，仲有既整即食，當然香港買就貴好多，日本買就平一截，係梅田堆百貨公司買～
上篇介紹的基乎全部都係以食為主，今篇除了零食之外亦會講下買左咩日常用品，先來講既係係Rinku Preimum Outlets買既3對Nike鞋，平均每對3-4xx蚊，都幾抵買既，而且碼數都幾齊，有時間可以望下；而另一對係Puma X McQ既就真係減左好多，由3xxx減到3-4xx，買來粗著都抵，但碼數就唔係好齊，店內款式亦唔多啱心水，遇啱真係要講彩數～
由於今趟旅程購買的手信也頗多，所以會慢慢分開介紹，上篇要介紹是一大堆包裝精美的食物類手信，而當中又以抹茶為主，抹茶控一定要留意！下圖最下中間位置分別是伊藤久右衛門所出產的焙茶和抹茶kitkat，四圍都有好容易搵，但個人覺得抹茶味和平時吃開的沒有太大分別，焙茶比想像中好，但還是不太適合我的口味，喜歡焙茶的可以一試！左下角個盒係抹茶啫喱，由伊藤久右衛門所出品，一盒有4個，抹茶味濃得黎又唔會太苦又甜甜地咁，賣相雖然墨綠色一舊似綠色龜苓膏，但真心覺得唔錯，買來做下午茶係唔錯既選擇，入得過！
對上一次和屋企人去旅行已經係二十年前的事，當時還是年幼的我當然是由家人帶著去。就這樣子一轉眼已經過了二十年，自己也去左好幾轉旅行，趁著媽媽還年青力壯，加上適逢就快到母親節，所以今次決定由我帶著家母來一次6日5夜的關西春日之旅。和家人去旅行，很多身邊朋友在構思行程時也會遇上苦惱的位，行程緊密程度、景點、飲食每一環也需要顧慮一下，所以有些位要學會放下，最緊要他們玩得開心，留下一些美好回憶，自己想去的大不了就下次自己再來過，哈哈哈哈。上一轉來關西逗留了十幾天，很多比較大路的景點基本上也已經逛了一遍，但因為媽媽是首次踏足關西，所以少不免有些景點會重覆再去，唯有舊地重遊之餘，再略加少許自己想到的地方。和母親一起結伴同行，我覺得最重要的是心態和應變能力，要略為調整成個旅程既步伐不會太過密集，而同時遇到突發事情也只能靠自己去臨時處理，幸好這6天旅程也順利完成，令這次媽媽在這次母親節之旅留下了一些溫馨的回憶。（提外話，如果母親年紀是再比較大一點的話，行程應該會再縮減少一點的，因為今次其實也行了很多路）
【香港 Hong Kong 】 (4) 【日本 Japan - 行程規劃 + 遊記】 (9) ．東京 Tokyo (3) ．大阪 Osaka (3) ．京都 Kyoto (3) ．奈良Nara (2) ．神戶Kobe (2) ．北海道 Hokkaido (1) ．鳥取 Tottori (3) ．岡山 Okayama (3) ．廣島 Hiroshima (3) ．福岡 Fukuoka (3) ．大分 Oita (2) 【歐洲 Europe - 行程規劃 + 遊記】 (1) ．捷克 Czech Republic - 布拉格Prague (3) ．匈牙利 Hungary - 布達佩斯 Budapest (3) ．瑞士 Switzerland - 蘇黎世 Zurich (2)
第6天（星期日，14/5）
第5天（星期六，13/5）
第4天（星期五，12/5）
第3天（星期四，11/5）
第2天（星期三，10/5）
第1天（星期二，9/5）
