來到這裡第一時間當然是去位於十號館的觀光事務中心,拎份地圖慢慢行,裡面仲可以免費借用單車、輪椅、雨具等等,有什麼疑難就可以去問問。
其實這裡範圍也不是很大,但如果間間舖都入去逛逛看看的話也需要一點時間,而沿著建築物一直行下去,會發現每間店的門口也很窄,但其實每個單位又深又長,原因係以前徵收稅項係按門口寬度計算的,所以這種設計係以作逃稅之用。
再細心睇下條川流,更會見到錦鯉同鴨仔,水質好清澈同乾淨~
行行逛逛一輪又四圍影下相,就去到五號館既久樂咖啡店,座位就在二樓,可以一覽整條街既樣貌,這裡最特別既係石臼咖啡,亦即係石磨咖啡,而且仲可以自己親手磨添,方法好簡單,店員會把咖啡豆放在石磨上,只需要將豆推入個孔入面再逆時針方向轉,豆就會慢慢地磨成粉。
而這種咖啡更特別既係佢唔會加奶加糖,而係加蜜紅豆拌咖啡來飲。我本身唔飲咖啡的,見到上枱時杯咖啡咁黑都擔心會好苦,而且又唔加奶同糖,唔知嗰少少既紅豆夠不夠蓋住啲苦味,結果飲落去好香,咖啡帶少少炭燒味一點也不苦,加左紅豆又略帶焦甜味,是一杯我會識得欣賞的咖啡,來到這邊白壁土藏群可以試試!另外這裡的店員很有人情味,送上咖啡時會有個摺紙,說是祝福(?)什麼意思的,然後在結帳時,又送了用紙摺的飛鏢給我紀念和玩玩,又很熱心教我怎樣去巴士站,超好的人。
因為預留既時間唔多,嘆完咖啡之後,行多一陣就去下面個位搭巴士返JR倉吉站啦~
白壁土藏群
推薦指數:★★★☆
抵玩指數:★★★★★
地址:鳥取県倉吉市東仲町、魚町、研屋町、新町1、堺町1
營業時間: 不同商店各異
網址:http://www.apionet.or.jp/kankou/html/midokoro1.htm
久樂
推薦指數:★★★★
抵吃指數:★★★★
地址:白壁土藏群赤瓦五號館
營業時間: 09:00-17:30(元旦日休息)
「立」即去旅遊Youtube channel、Facebook專頁、Instagram、Pixnet:
Youtube Channel:https://bit.ly/2scNVfk
FB: https://www.facebook.com/lapstravel/
IG:lapstravel