【美食】布拉格 Restaurace Blatnice 捷克菜：濃味的第一餐捷克菜－「立」即去旅行 Lap's Travel

會選定間餐廳作為來到布拉格食既第一餐，係因為網上好多資訊都有推介呢間位於Namesti Republiky站附近的Restaurace Blatnice，啲野食都唔貴仲幾平。如果由布拉格最著名的三大市集之一—哈維爾市集行落去到尾轉彎就會見到。我因為好夜先來到，所以個門口唔算好容易認，爭啲錯過左。亦因為好夜先來到，所以入面就唔係好多人。間餐廳裝修好有中世紀復古感覺，一入門口就有個大酒吧位，我就好隨意搵左個位坐。

PXDJ7637

係歐洲食野基本上係要先點飲品，所以野食都未睇就要先睇飲乜，佢地都好快會過黎睇下你點咩飲品，點完再慢慢睇下食咩都未遲。我飲既係一種草莓汁（45克朗），由cappy出品，飲落去有一種好濃既士多啤梨味，酸酸甜甜冇汽既都幾好飲。然後黎左一堆couvert（亦即係餐前麵包），又凍又乾又硬一點也不合香港人口味，唔食也不損失（但還是被收錢了的⋯）。

因為係第一餐，剛剛下機再加上時差，食之前暈暈下，但還是忍不住叫了幾樣野試下，分別係燒雞胸肉配蘑菇汁（169克朗）、燒牛柳（319克朗）和薯仔餅（35克朗）。最好食係雞胸肉，唔會煎得太鞋口，蘑菇汁也幾香，食落去都幾有原始味道。燒牛柳就食落韌左點，但肉汁也好豐富；反而蘿仔餅好鹹，係煎得好香脆，但食落又鹹又澱粉質，即使只係食一塊都好膩同好滯，唔算係太好食。