【美食】布拉格 Cafe Imperial 帝國咖啡館捷克菜：超奢華下早餐－「立」即去旅行 Lap's Travel

我在布拉格所住的地方，和Cafe Imperial 帝國咖啡館非常之近，第一天來到望進去已經被那華麗的氣勢攝住了，所以第二日就一早來了這裡食早餐。這間咖啡館被選為世界十大最美咖啡館之一，但這裡食物價格並沒有異常的貴（反正東歐普遍物價也好便宜的），能夠在超豪華的環境下便宜用餐，我想沒有其他地方可以找到。

呢間餐廳連廁所都非常豪華，個水龍頭係金色天鵝頭，超級精緻，噴出來的還有暖水，連廁所都係打卡位！

這裡由早餐開始，到午餐、下午茶和晚餐都有提供，無論任何時間內來到都可以體會視覺和味覺上的享受。環境真係一流，雖然係金碧輝煌但又唔會顯得好俗套，早餐時間來到的話，可以選擇自助餐形式（345克朗）或是像我一樣散叫menu上的早餐類食物。這裡連服務也做得好周到，因為入面有暖氣，所以入到去除左外套之後就好主動幫我們掛好放在衣帽間內，值得稱讚。

然後就開始叫野食啦，先叫左一杯叫Imperial的飲品（95克朗），由橙、香蕉、士多啤梨、乳酪和牛奶所溝成，作為餐前的一杯既健康又開胃，味道微酸飲落唔係幾似奶昔，偏向乳酸多點；另一杯就係熱朱古力（70克朗），朱古力味濃但同樣地和之前在另一間布拉格餐廳喝的一樣，非常地偏甜。

主食方面分别叫了Benedict Egg配火腿（145克朗，可選三文魚195克朗）、蘑菇洋蔥奄列（147克朗）以及Pancakes（125克朗），三款食物其實和係香港食既味道差不多，尤其係款奄列，完全不似在東歐食野的感覺；Benedict Egg水準也不錯，係荷蘭醬少左點和稠左點；pancakes水準雖然比不上日本那種梳乎厘口感的，但口感還算鬆軟。經歷過昨日整天每一餐都不是太滿意，今餐真的算是不錯的一餐，而且環境咁靚，絕對唔可以錯過呀！